七十億行動

一個屬於全人類嘅環球行動

到左2011年10月31號，全球人口就會達到七十億。呢個特別嘅時刻，標誌住人類歷史上嘅一大成就，但亦同時間意味住我哋面臨緊一個挑戰，將會影響我哋每一個人。一個七十億嘅世界，帶來嘅影響涉及可持續性、都市化、醫療服務同埋青少年權利各方面；不過，與此同時，佢亦都提供咗一個難得嘅機會，重新喚醒全球人士對於建立一個健康而可持續世界嘅使命感。

聯合國人口基金會 (UNFPA) 正進行緊一個嶄新嘅全球行動 – “七十億行動” (7 Billion Actions)。呢項行動由UNFPA集中統籌，另外由聯合國系統以內各個合作伙伴、其他非政府組織、商界，以及學術界共同負責執行。 “七十億行動” 開放畀各界人士及組織自由參加，希望大家共同合作，謀求改善我哋呢個七十億人嘅世界。

請記住呢啲重要日子

• 七十億行動正式啟動日期: 2011年9月14號
• 倒數全球達到七十億人口: 2011年10月24號
• <<世界人口現況>>報告發表日: 2011年10月26號
•  “世界七十億人口日”: 2011年10月31號
• 10月31號之後: 整項行動延續至2012年，全球相關活動包括重新檢討MDGs相關程序嘅會議、喺20舉行嘅 “國際人口及發展(ICPD)行動計劃會議”，以及將會喺 “里約+20聯合國可持續發展大會” 當中舉行嘅 ”聯合國環境及發展會議”。

你對於呢啲範疇有興趣嗎?

 “七十億行動”希望喺以下七個發展範疇開展以及呼籲行動:
1)    貧窮同不平等；2) 女性賦權；3) 生育健康同權利；4) 青少年；5) 老化人口；6) 環境; 7) 都市化。

參與 “七十億行動” 嘅方法!

上 www.7billionactions.org 分享你嘅故事
• 每個人都有機會，令呢個七十億人嘅世界更加美好。全世界嘅不同人士以及團體，都作出緊正面、有意義嘅行動。教師、醫生、助產士、藝術家、網誌作者、政府官員、家長……全球各地嘅人，都喺度用緊個人又獨特嘅新方式，去為呢個屬於全人類嘅環球行動，盡自己嘅一分力。
• 分享你嘅故事:  你會點樣為全人類，盡自己嘅力量，作出行動?
• 七十億行動希望收集個人同團體，關於佢哋改變呢個世界嘅故事 -- 亦即係一啲能夠鼓舞其他人作出行動、作出貢獻嘅個案。你亦都可以同大家分享其他人、特別係為你哋社區作出正面改變嘅人士嘅故事，無論係一件普通嘅好人好事，定係一項大型嘅集體行動，都一樣歡迎。同時，你可以搵出同你自己嘅故事類似、令你產生共鳴嘅人。
• 快啲上http://7billionactions.org/stories，分享你嘅故事啦。

• 創作你自己版本嘅 <聯合> 歌，用音樂喚起行動

•  “七十億行動” 正透過音樂呢種普世語言，去締造正面嘅改變。音樂擁有一種化解人與人之間藩籬嘅力量；佢超越地理、政治、經濟、宗教同埋意識形態嘅距離，呼召世界上每個人集結起來，成為一體。
• 我哋有原曲一首，同埋好多唔同版本嘅演繹。不過目標只有一個:  喚醒大眾，一齊行動。
•  “七十億行動” 與 “為改變而奏基金會” (Playing for Change Foundation)，一個目的以音樂連結全世界嘅組織合作。佢哋為 “七十億” 行動創作一首主題曲 <聯合> (“United”)。世界各地有才華嘅音樂人，用各自獨特嘅聲線、樂器組合，同埋音樂風格，作出自己版本嘅演繹。
•  “為改變而奏” 會用全球各地唔同版本，製作一個mash-up
• 想 remix 個 track?
• 上來呢個網址，創作自己版本嘅 <聯合>歌啦: http://www.7billionactions.org/music

 

參與全球短片比賽 “七十億之一”
• 電影呢個影像媒介擁有一種獨特嘅力量，能夠將不同事件、尤其係世界上各種問題同埋佢哋嘅解決方法，以有血有肉嘅方式呈現喺觀眾眼前。 “七十億之一” 係一個全球性嘅短片比賽，由 “七十億行動” 項目以及 “10.42.48基金會”主辦。
• 呢個比賽目的，係鼓勵各地導演及製片人探討以下七個主要範疇: 1) 貧窮問題，以及打破不平等圈；2) 女性賦權及生活改善；3) 青少年；4) 生育健康及權利；5) 健康環境及健康人類；6) 人口老化；7) 都市化 -- 為增長而計劃。
• 參賽要求:
    o 影片必須係數碼格式。
    o 影片長度(包括鳴謝)必須喺 1 至 10 分鐘以內。
    o 非英語影片必須附有英文字幕。
    o 影片創作者要為作品嘅原創性負責。
    o 每項參賽作品嘅主題，必須集中喺以上七個主要範疇 (可以涉及多於一個)。
    o 每一個團隊或者個人最多可以遞交兩套短片參賽。
    o 遞交影片嗰陣，必須附上網上參賽表格。
• 評審團會由 “七十億行動” 以及 “10.12.48基金會” 共同選出，成員將會包括電影界代表、人權組織，以及獨立人士。評審團會由眾多參賽影片當中，揀選十件入圍作品。然之後，透過網上投票，用戶會再選出三位得獎者。投票將會喺 2012 年 2月16號至 2012年3月6號期間舉行。
• 遞交參賽作品嘅截止日期同時間係 2012年2月15號 國際標準時間/格林威治標準時間晚上9點正。得獎結果將會喺國際婦女節、亦即係2012年3月8號公佈。
• 分享你嘅影片: www.7billionactions.org, www.fundacion101248.org and https://www.facebook.com/7billionactions?sk=app_154219237995139
(參賽表格由2011年10月31號開始可以下載)


同大家分享你團體或組織嘅故事，喚醒其他人一齊行動
•  “七十億行動” 亦都係一個對企業以及非政府組織嘅行動呼籲。全球各地嘅不同機構組織，都已經嚮應咗，並且動員佢哋嘅員工同合作伙伴，一齊參與呢個行動。世界上每個地方各個唔同性質嘅組織，亦都創作緊一系列嶄新嘅項目，探討同呢個七十億人嘅世界有關嘅問題。
• 分享你團體或組織嘅故事: 你哋打算點樣為全人類作出行動? http://www.7billionactions.org/organizations

透過社交媒體同我哋連結
• 上 Twitter關注 @7billionactions: www.twitter.com/7billionactions
• 上 Facebook畀 “七十億行動” 一個 “讚好” : www.facebook.com/7billionactions

各類資源

•  “七十億行動” 網誌 (“七十億行動”團隊 嘅最新消息)
• 小冊子
• 事實說明書
• 概況，說明:
• 個人
• 聯合國機構
• 非政府組織
• 基金會
• 企業
• 信件模板
• 品牌建立
• 格式指引
• 標誌
• 海報
• 影片
• 聯合國人口基金會
• 國家地理雜誌
• 新聞稿

聯絡方式   

Alvaro Serrano 先生
“七十億行動” 項目經理
電郵: serrano@unpfa.org
電話: +1 212 297 5036

María F. Ruiz de Larrinaga 女士
項目統籌
電郵: larrinaga@unfpa.org
電話: +1 212 297 4957
Nicole Carta 女士
商界及基金會
E-mail: carta@unfpa.org
電話:+ 1 212 297 5242               

Nobuko Takahashi 女士
非政府組織合作
電郵: takahashi@unfpa.org
電話: +1 212 297 5386

Noemi Espinoza 女士
非政府組織合作
電郵:  nespinoza@unfpa.org
電話: +1 212 297 4939
Azza Karam 女士
聯合國機構合作
電郵: karam@unfpa.org 
電話: +1 212 297 5255

KatjaIversen 女士
聯合國機構合作
電郵: iversen@unfpa.org
電話: +1 917 403 3063
Omar Gharzeddine 先生
傳媒關係
電郵: gharzeddine@unfpa.org
電話: +1 212 297-5028
Ida Jeng Christensen 女士
社交媒體
電郵: ichristensen@unfpa.org 
電話: +1 212 297 5006